Volontariat lingüistic a las universitats

Era UAB aufrís as escolans nauvengudi era possibilitat de participar en programa de Volontariat Lingüistic, que les permet d’èster en contacte damb un estudiant locau entà practicar catalan e conéisher era realitat lingüistica e culturau catalana de prumèra man. Se hèn un totau de ueit amassades qu'organize cada coble peth sòn compde.

Era UPC compde damb un programa de mentories, eth SALSA’M, a trauès deth quau poiràs entrar en contacte damb estudiants d’ací. Eri e eres t’ajudaràn a familiarizar-te damb eth foncionament dera Universitat e a practicar idiòmes.

Eth Volontariat Lingüistic dera UPF ei un programa d'acuelh lingüistic e culturau que preten hèr a conéisher era realitat lingüistica, culturau e nacionau de Catalonha as estudiants internacionaus e potenciar ath madeish temps era internacionalizacion e er aprendissatge de lengües entre es estudiants catalans. Entà arténher aguest doble objectiu, eth Volontariat Lingüistic aufrís un ample e variat programa d'activitats e de visites culturaus per tot Catalonha, e posse ath madeish temps un programa d'escambi lingüistic (cobles lingüistics) entre es estudiants internacionaus e es estudiants catalans.

Es volontaris lingüistics acompanhen as membres dera comunitat universitària de dehòra der encastre catalan en aprendissatge dera lengua, era coneishença deth territòri mès propèr e eth descorbiment dera cultura catalana. Tanben pòden èster un punt de referéncia entà un bon sojorn ena UdL e ena ciutat de Lhèida.

Eth volontariat lingüistic ei pensat entàs persones que vòlen ajudar a quauquarrés d’aute a apréner catalan d’ua manèra mès informau. Ena UdG metem en contacte a estudiants locaus damb estudiants de mobilitat que volguen apréner o practicar era nòsta lengua.

Vòs hèr de volontari? Ena UVic eth volontariat lingüistic ei includit laguens deth programa Mentor, un programa d’acuelh d’estudiants de dehòra de Catalonha que hèn ua estada d’escambi en Campus Vic dera UVic-UCC. Aguest programa te permet d’implicar-te en activitats de volontariat laguens d’un contèxte interculturau e facilite era integracion academica, lingüistica e culturau des estudiants d’acuelh.

Entà participar-i, consulta era pagina deth Programa Mentor.

As talents de practicar eth catalan damb un parlant nadiu? Inscriu-te en p Inscriu-te en programa Tandèms lingüistics dera UIC Barcelona. Te meteram en contacte damb ua persona que te pòt ensenhar catalan e que, ath madeish temps, vò practicar era tua lengua. Auratz era libertat de hèr es amassades quan e a on vos vage melhor.

Vòs ajudar as estudiants internacionaus a practicar eth catalan? O, ath contrari, te vòs méter en contacte damb un estudiant o ua estudianta locau que t'ajude a dar es prumèrs passi ena lengua catalana? Ena UAO CEU ac pòdes hèr a trauès deth Tandèm UAO CEU.