Volontariat lingüistic a las universitats

Ajuda a un estudiant de dehòra de Catalonha a integrar-se pleament ena universitat e ena nòsta cultura. Es servicis lingüistics de cada universitat t’explicaràn se com hè’c. Met-te-i en contacte.

Universitat Autònoma de Barcelona

UAB

Era UAB aufrís as escolans nauvengudi era possibilitat de participar en programa de Volontariat Lingüistic, que les permet d’èster en contacte damb un estudiant locau entà practicar catalan e conéisher era realitat lingüistica e culturau catalana de prumèra man. Se hèn un totau de ueit amassades qu'organize cada coble peth sòn compde.

Universitat Politècnica de Catalonya

UPC

Era UPC compde damb un programa de mentories, eth SALSA’M, a trauès deth quau poiràs entrar en contacte damb estudiants d’ací. Eri e eres t’ajudaràn a familiarizar-te damb eth foncionament dera Universitat e a practicar idiòmes.

Universitat Pompeu Fabra

UPF

Eth Volontariat Lingüistic dera UPF ei un programa d'acuelh lingüistic e culturau que preten hèr a conéisher era realitat lingüistica, culturau e nacionau de Catalonha as estudiants internacionaus e potenciar ath madeish temps era internacionalizacion e er aprendissatge de lengües entre es estudiants catalans. Entà arténher aguest doble objectiu, eth Volontariat Lingüistic aufrís un ample e variat programa d'activitats e de visites culturaus per tot Catalonha, e posse ath madeish temps un programa d'escambi lingüistic (cobles lingüistics) entre es estudiants internacionaus e es estudiants catalans.

Universitat de Girona

UdG

Eth volontariat lingüistic ei pensat entàs persones que vòlen ajudar a quauquarrés d’aute a apréner catalan d’ua manèra mès informau. Ena UdG metem en contacte a estudiants locaus damb estudiants de mobilitat que volguen apréner o practicar era nòsta lengua.

Universitat de Lheìda

UdL

Es volontaris lingüistics acompanhen as membres dera comunitat universitària de dehòra der encastre catalan en aprendissatge dera lengua, era coneishença deth territòri mès propèr e eth descorbiment dera cultura catalana. Tanben pòden èster un punt de referéncia entà un bon sojorn ena UdL e ena ciutat de Lhèida.

Universitat de Vic

UVic

Vòs hèr de volontari? Ena UVic eth volontariat lingüistic ei includit laguens deth programa Mentor, un programa d’acuelh d’estudiants de dehòra de Catalonha que hèn ua estada d’escambi en Campus Vic dera UVic-UCC. Aguest programa te permet d’implicar-te en activitats de volontariat laguens d’un contèxte interculturau e facilite era integracion academica, lingüistica e culturau des estudiants d’acuelh.

Entà participar-i, consulta era pagina deth Programa Mentor.

Universitat Internacionau de Catalonha

UIC

As talents de practicar eth catalan damb un parlant nadiu? Inscriu-te en p Inscriu-te en programa Tandèms lingüistics dera UIC Barcelona. Te meteram en contacte damb ua persona que te pòt ensenhar catalan e que, ath madeish temps, vò practicar era tua lengua. Auratz era libertat de hèr es amassades quan e a on vos vage melhor.

Universitat Abat Oliba CEU

UAO

Vòs ajudar as estudiants internacionaus a practicar eth catalan? O, ath contrari, te vòs méter en contacte damb un estudiant o ua estudianta locau que t'ajude a dar es prumèrs passi ena lengua catalana? Ena UAO CEU ac pòdes hèr a trauès deth Tandèm UAO CEU.

Volontaris pera lengua

Se parles catalan e as ua estona entà conversar damb ua persona que lo vò practicar, hè-te volontari o volontària e acompanha a quauquarrés de manèra presenciau o virtuau en sòn aprendissatge.

Contacte damb persones que vòlen apréner catalan

E de dehòra de Catalonha estant?

Se vòs èster en contacte damb eth catalan dehòra de Catalonha estant, ac pòs hèr a trauès deth Hilat universitari d’estudis catalans en exterior o a trauès des Comunitats Catalanes der Exterior.

Comunitats Catalanes der Exterior

Se vòs èster en contacte damb eth catalan de dehòra de Catalonha estant, ac pòs hèr a trauès deth Hilat Universitari d’Estudis Catalans en Exterior o a trauès des Comunitats Catalanes der Exterior.

S'ès universitari, corses o as corsat bèth estudi en quinsevolh des universitats catalanes, pòs participar enes diferentes actuacions d'escambi o volontariat lingüistic qu'organize cada universitat.

En cas de que non sigues universitari, pòs participar en programa Volontariat pera lengua qu'organize era Direccion Generau de Politica Lingüistica, coma aprenent.