Acuelhuda lingüistica

Era UAB aufrís activitats destinades as escolans nauvengudi entà que coneguen era realitat lingüistica e culturau de Catalonha e siguen en contacte damb estudiants locaus. Son activitats que s'amien a tèrme pendent tot eth cors academic e que promòn eth contacte entre estudiants e er escambi lingüistic e culturau. A mès, se hèn activitats especifiques pendent es dates significatives coma Sant Jòrdi o era Hèsta Major dera Universitat.

T’aufrim servicis e recorsi entà que te sentes coma en çò de tòn: informacion utila sus era vida en Catalonha, guides sus eth contèxte sociau e culturau, recuelhs entà començar a parlar... Tot gratuït e ara tua artenhuda en un clic!

Damb aguest portau d'arcuelh lingüistic, era Universitat Pompeu Fabra te da era benvenguda coma estudiant internacionau, actuau o futur, e met ara tua disposicion era informacion e es recorsi de besonh entà que te pogues familiarizar en pòc de temps damb era nòsta lengua, eth catalan, e entà que sàpies tanben tot çò que te cau saber sus era cultura e era societat catalanes. Benvengut, donques, ena UPF!  

Era UdL met a disposicion des nauvengudi ressorces entà que i agen un bon sojorn e entà que coneguen era ciutat, era lengua e era cultura catalanes. Entàs estudiants, tar inici de cada semèstre se hè ua setmana de benvenguda damb activitats entà conéisher er entorn e un cors de catalan iniciau, un aprendissatge que se pòt agranir damb corsi de diferenti nivèus.

Cau remercar eth ròtle important que i a eth Volontariat Lingüistic, damb membres dera comunitat universitària qu'acompanhen e ajuden as nauvengudi tant en aprendissatge dera lengua coma ena coneishença deth territòri e dera cultura catalana.

Tanben i é era possibilitat de practicar eth catalan a trauès dera Borsa d’Escambi Lingüistic (BIL), pensada coma un punt d'amassada e d’escambi entre parlants de diferentes lengües.

Ena Universitat de Girona es classes s’impartissen majoritàriaments en catalan. Entà ajudar-vos a apréner un shinhau era nòsta lengua, quauqui dies abans der inici des classes podetz assistir ar acuelh iniciau, ua combinason de sessions formatives sus era lengua e era cultura catalanes.

Ena URV dam atencion personalizada as estudiants de mobilitat que vòlen apréner catalan, entà orientar-les en cors que mès s’ajuste as sòns besonhs. Tanben organizam, tar inici de cada quadrimèstre, actes de benvenguda damb talhèrs culturaus.

Qué pòs hèr, quan arribes ena UVic, entà conéisher era lengua e adaptar-te rapidaments ara vida universitària?

S'ès estudiant internacionau d’escambi, participa enes Orientation days que s’aufrissen abans d’iniciar cada semèstre. E pendent eth cors, inscriu-te as activitats culturaus.

S'ès de dehòra de Catalonha mès t’as matriculat ena UVic entà hèr toti es estudis, inscriu-te ath cors d’acuelh. Pendent quinze dies apreneràs es nocions basiques de catalan que te haràn er aterratge mès facil. 

S'as bèth dobte, escriu-mos tà sl@uvic.cat.

En arribar ena UIC Barcelona, poderàs participar en cors introductòri de catalan qu'aufrim gratuïtament en inici de cada semèstre. A mès, ath long deth cors, te poderàs apropar ara cultura catalana a trauès des activitats qu'organizam damb motiu deth calendari festiu de çò de nòste.

Ena UAO CEU, dempús eth prumèr dia trobaràs ressorces e activitats d'acuelh lingüistic entà ajudar-te a compréner mès ben era realitat lingüistica e culturau.