Intercat ei un ensemble de recorsi electronics en un entorn web —materiau didactic, documentacion sociolingüistica, informacion sus volontariat lingüistic...— entà introdusir-se ena lengua e cultura catalana, pensat mès que mès entà estudiants de programes de mobilitat que visiten es universitats de Catalonha.
Questions frequentas
Òc. Es corsi de catalan virtuaus qu'aufrís Intercat son totauments gratuïts, a excepcion dera modalitat amb tutoria der estrument Parla.cat.
Pòs apréner catalan per mejan des corsi qu’aufrissen es entitats publiques coma es universitats catalanes, eth Consòrci entara Normalizacion Lingüistica e, se demores dehòra de Catalonha, per mejan dera formacion qu’aufrís er Institut Ramon Llull. A mès, pòs seguir es corsi virtuaus gratuïts qu’aufrís Intercat.
Es corsi de catalan virtuaus qu’aufrís Intercat son totauments gratuïts, a excepcion dera modalitat amb tutoria der estrument Parla.cat. Tanben son gratuïts es corsi de nivèu iniciau e basic qu’aufrís eth Consòrci entara Normalizacion Lingüistica.
Eth web de cada universitat informe dera aufèrta formativa sus corsi de lengua catalana. Tròba tota era aufèrta formativa de cadua des universitats catalanes en aguesta madeisha pagina.
En apartat de recorsi d’Intercat trobaràs corsi virtuaus de catalan gratuïts. Pòs trobar eth cors que mès s’adeqüe as tòns besonhs en tot emplegar es filtres.
Abans de hèr un cors de catalan pòs hèr ua pròva de nivèu entà saber se quin ei eth que s’ajuste mès as tòns coneishements. Demana informacion ath tòn Servici Lingüistic. Tanben pòs saber se quin nivèu de catalan as hèn era pròva que trobaràs ena plataforma d’aprendissatge virtuau de catalan Parla.cat (abans te cau auer hèt era inscripcion ena web, qu’ei gratuïta). Eth resultat des pròves de nivèu ei orientatiu e te permeterà de saber eth tòn nivèu d’idiòma entà accedir as corsi. Eth Consòrci entara Normalizacion Lingüistica tanben hè ua pròva de nivèu abans de hèr era inscripcion en quinsevolh des sòns corsi.
Se demores dehòra de Catalonha pòs emplegar es airines virtuaus d’Intercat. Per mejan dera formacion qu’aufrís er Institut Ramon Llull pòs seguir corsi de catalan presenciaus en fòrça universitats de per tot eth mon.
Er Institut Ramon Llull convòque periodicament pròves oficiaus entara avaluacion e era certificacion de coneishements de catalan en diuèrses ciutats deth mon entà obtier es certificats internacionaus de catalan. Es pròves son de diferenti nivèus e se i pòden presentar es persones mès granes de catorze ans en moment de hèr-les, de quinsevolh nacionalitat, que volguen acreditar eth sòn coneishement de lengua catalana ath delà des estudis reglats. Es pròves entara obtencion des certificats de lengua catalana der Institut Ramon Llull son examens liures dessenhats entà avaluar era competéncia lingüistica des candidats independentament deth lòc e deth metòde qu’agen seguit entà aquerir era lengua.
Es resultats se pòden consultar ena sedença electronica a compdar dera data establida ena resolucion. Es persones qu’obtenguen eth resultat d’apte se poiràn descargar eth diplòma corresponent.
Es universitats catalanes convòquen examens comuns de coneishements de lengua catalana, e entà hè’c se coordinen a trauès dera Comission Interuniversitària de Formacion e Acreditacion Linguistiques de Catalonha (CIFALC). Autregen certificacions oficiaus de lengua catalana as aprenents des servicis lingüistics mejançant es convocacions que permeten d’acreditar sies nivèus de competéncia lingüistica den catalan: iniciau (A1), basic (A2), elementari (B1), intermèdi (B2), sufisença entath personau ensenhant e recercaire (C1) e superior (C2).
Eth Secretariat de Politica Lingüistica (SPL) convòque cada an pròves oficiaus entà acreditar es coneishences de lengua catalana mejançant ua resolucion que se publique en Diari Oficial de la Generalitat de Catalunya (DOGC), abituauments abans dera fin de gèr. S’establís un periòde d’inscripcion a prumèrs d’annada e es pròves sòlen auer lòc entre es mesi de mai e junh. Ena pagina deth SPL apareish tota era informacion relativa ad aguestes pròves.
Entà obtier mès informacion sus es certificats de lengua, consultatz aquel ligam.
S’as corsat es estudis en Catalonha o dispòses de bèth títol, diplòma o certificat de catalan expedit per bèth organ oficiau de dehòra de Catalonha, consulta era lista de titulacions equivalentes as certificats de coneishences de catalan deth SPL.
Eth Consòrci entara Normalizacion Lingüistica (CPNL) hè corsi omologadi, que permeten d’obier ua certificacion equivalenta ara dera Secretaria de Politica Lingüistica. Aguesti corsi arriben ara fin de cada nivèu de coneishença deth Marc europèu comun de referéncia entàs lengües (MECR): basic A2, elementau B1, mejan B2, sufisença C1 e superior C2. En aguesti corsi, era avaloracion ei era suma dera avaloracion de cors (e per tant deth seguiment des prètzhèts proposats peth professor) mès era nòta finau dera pròva d’artenhuda.
Se demores dehòra de Catalonha pòs consultar es convocacions d’examens oficiaus ena pagina der Institut Ramon Llull (IRL). Se i pòden presentar es persones de mès de catorze ans en moment de hèr-les, dera nacionalitat que sigue, que volguen acreditar era sua coneishença de lengua catalana ath delà des estudis regladi.
Era majoritat d’universitats catalanes aufrissen corsi presenciaus de catalan e autregen certificats equivalenti as oficiaus, encara que non estúdies ena universitat. Hè era consulta enes servicis lingüistics dera universitat.
Òc. Es certificats qu’obtieràs se seguisses aguesti corsi e passes es examens oficiaus les expedissen es universitats catalanes e son tramitadi pera Comission Interuniversitària de Formacion e Acreditacion Lingüistiques de Catalonha (CIFALC). Era madeisha universitat a on ages hèt es corsi e er examen t’expedirà eth certificat oficiau. Aguesti certificats son omologadi peth Secretariat de Politica Lingüistica dera Generalitat de Catalonha.
S’as hèt es corsi e as aprovat es examens dera CIFALC (Comission Interuniversitària de Formacion e Acreditacion Lingüistiques de Catalonha) que convòquen es universitats catalanes, pòs demanar eth certificat ath servici lingüistic dera universitat a on as hèt er examen.
S’as corsat es estudis en Catalonha o dispòses de bèth títol, diplòma o certificat de catalan expedit per bèth organ oficiau de dehòra de Catalonha, consulta era lista de titulacions equivalentes as certificats de coneishences de catalan deth SPL (Secretariat de Politica Lingüistica). Ací trobaràs tota era informacion de quini requisits cau (estudis realizadi, centre d’imparticion, periòde de realizacion...) e a on te pòden expedir eth certificat oficiau.
S’as hèt es examens oficiaus que convòque cada an eth Secretariat de Politica Lingüistica e les as aprovat, pòs passar a recuélher eth diplòma enes burèus dera localitat a on heres era pròva.
S’as finit es corsi e as aprovat er examen de fin de nivèu (Basic 3, Elementari 3, Intermèdi 3, Sufisença 3, Superior C2) deth Consòrci entara Normalizacion Lingüistica (CPNL), receberàs un certificat omologat en corrèu electronic qu’ages dat.
Se demores dehòra de Catalonha, consulta es convocacions d’examens ena pagina der Institut Ramon Llull (IRL). Se i pòden presentar es persones de mès de catorze ans en moment de hèr-les, dera nacionalitat que sigue, que volguen acreditar era sua coneishença de lengua catalana ath delà des estudis regladi.
Es resultats se pòden consultar ena sedença electronica a partir dera data establida ena resolucion. Es persones qu’obtenguen eth resultat d’apte, se i poderàn descargar eth diplòma corresponent.
Pòs arténher modèls d’examens oficiaus e informacion detalhada sus es tramits entà inscríuer-te as pròves que convòque eth Secretariat de Politica Lingüistica ena web Lengua catalana.
Tanben trobaràs modèls d’examens ena web dera Comission Interuniversitària de Formacion en Lengua Catalana (CIFALC), en apartat dedicat as certificats dera CIFALC.
Er Institut Ramon Llull tanben a publicadi modèls d’examens ena sua pagina web.
Es corsi d’Intercat son airines virtuaus entà apréner catalan de manèra facila e ath tòn ritme, mès non servissen entà obtier automaticaments es certificats oficiaus.
Es vies entà obtier es certificats oficiaus de catalan les trobaràs detalhades ena pagina de Corsi e certificats.
Eth Secretariat de Politica Lingüistica (SPL) convòque cada an pròves oficiaus entà acreditar es coneishences de lengua catalana mejançant ua resolucion que se publique en Diari Oficial de la Generalitat de Catalunya (DOGC), abituauments abans dera fin de gèr. S’establís un periòde d’inscripcion a prumèrs d’annada e es pròves sòlen auer lòc entre es mesi de mai e junh. Ena pagina deth SPL apareish tota era informacion relativa ad aguestes pròves.
Entà obtier mès informacion sus es certificats de lengua, consultatz aquel ligam.
S’as corsat es estudis en Catalonha o dispòses de bèth títol, diplòma o certificat de catalan expedit per bèth organ oficiau de dehòra de Catalonha, consulta era lista de titulacions equivalentes as certificats de coneishences de catalan deth SPL.
Eth Consòrci entara Normalizacion Lingüistica (CPNL) hè corsi omologadi, que permeten d’obier ua certificacion equivalenta ara dera Secretaria de Politica Lingüistica. Aguesti corsi arriben ara fin de cada nivèu de coneishença deth Marc europèu comun de referéncia entàs lengües (MECR): basic A2, elementau B1, mejan B2, sufisença C1 e superior C2. En aguesti corsi, era avaloracion ei era suma dera avaloracion de cors (e per tant deth seguiment des prètzhèts proposats peth professor) mès era nòta finau dera pròva d’artenhuda.
Se demores dehòra de Catalonha pòs consultar es convocacions d’examens oficiaus ena pagina der Institut Ramon Llull (IRL). Se i pòden presentar es persones de mès de catorze ans en moment de hèr-les, dera nacionalitat que sigue, que volguen acreditar era sua coneishença de lengua catalana ath delà des estudis regladi.
Entà saber s’es tòns estudis equivalen a bèth un des certificats oficiaus de catalan, te cau consultar era lista de titulacions equivalentes as certificats de coneishences de catalan deth Secretariat de Politica Lingüistica.
S'ès universitari, corses o as corsat bèth estudi en quinsevolh des universitats catalanes, pòs participar enes diferentes actuacions d'escambi o volontariat lingüistic qu'organize cada universitat.
En cas de que non sigues universitari, pòs participar en programa Volontariat pera lengua qu'organize eth Secretariat de Politica Lingüistica, coma aprenent.
Er escambi lingüistic consistís en crear cobles d’escambi de convèrsa entre un estudiant de mobilitat qu’apren catalan e un estudiant catalanofòn que vò practicar ua auta lengua. Era majoritat des universitats catalanes dispausen de borses d’escambi lingüistic per mejan des quaus meten en contacte as estudiants en foncion de quines lengües vòlen escambiar. A partir d’ací, son es madeishi estudiants quali gerissen es sues amassades.
En cas de que non sigues universitari, pòs participar en programa Volontariat pera lengua qu'organize eth Secretariat de Politica Lingüistica, coma aprenent.
Se vòs èster en contacte damb eth catalan de dehòra de Catalonha estant, ac pòs hèr a trauès deth Hilat Universitari d’Estudis Catalans en Exterior o a trauès des Comunitats Catalanes der Exterior.
S'ès universitari, corses o as corsat bèth estudi en quinsevolh des universitats catalanes, pòs participar enes diferentes actuacions d'escambi o volontariat lingüistic qu'organize cada universitat.
En cas de que non sigues universitari, pòs participar en programa Volontariat pera lengua qu'organize era Direccion Generau de Politica Lingüistica, coma aprenent.