Katerine (Canadà)
Transcripcion
Òla, me digui Katerine, sò de Montréal, en Quebèc, e hèsqui Estudis Ispanics e Traduccion ena Universitat de Montréal. Arribè ací en Barcelona hè un an, mès ei coma se siguesse ager, reauments passèc fòrça lèu. Comencè d’apréner catalan est’an passat pr’amor qu’auem era sòrt de compdar damb un programa d’estudis catalans en Montréal. E ben, comencè tanben a hèr castèths ena còlha castelhèra de Montréal e per aquerò escuelhí Barcelona entà hèr er escambi. E auí era sòrt tanben de descorbir eth programa de Volontariat Lingüistic dera UPF. Me permetec de conéisher gent de pertot, de tot eth mon, e amassa descorbírem experiéncies e ciutats de Catalonha que reauments non creigui que poguessa descorbir autaments. Tanben era passion d’Albert siguec contagiosa e ac passèrem fòrça ben. Recomani aguest programa a toti independentaments deth nivèu de catalan, pr’amor que reauments ei hèt entad aquerò, entà practicar, entà víuer un shinhau d’immersion cada setmana. E ben, ja s’acabe eth mèn escambi. Me hè fòrça pena, mès segur que tornarè er an que ven. De hèt è planejat seguir es estudis ací en Catalonha e serà un plaser seguir damb eth programa de Volontariat Lingüistic. E açò ei tot. Fòrça gràcies e a lèu.