Jiang Meijie (Xina)

Transcripcion

Òla, sò Jiang Meijie. Sò de China e demori en Barcelona d’ençà de seteme d’est’an passat. Ara sò doctoranda deth Departament de Dret ena Universitat Pompeu Fabra. E, per qué estúdii catalan? Pr'amor qu’ei era lengua oficiau de Catalonha e de Barcelona. Eth prumèr motiu ei entà compréner es pagines web e es documents que sonque son escriti en catalan. En dusau lòc, me semble qu’er idiòma ei ua part fòrça importanta d’ua cultura. A trauès d’apréner eth catalan, coneishi era istòria, es costums e era gastronomia de Catalonha. E fin finau volia conéisher ara gent d’ací, pr’amor que parlar eth sòn idiòma ei un gran auantatge. E donques ara hèsqui classes de catalan ena UPF e, coma parli castelhan e i a fòrça similituds entre es dus idiòmes, non ei tan malaisit, mès tanben se cau esforçar entà estudiar. Fin finau volia dar es gràcies ath Volontariat Lingüistic, a Albert e a toti es amics que coneishi ací. Entà jo eth volontariat ei çò de milhor dera universitat, pr’amor que mos aufrís activitats, visites, excursions fòrça interessantes, fòrça educatives e divertides. Ei ua experiéncia tan diuèrsa e tant arrica que non ei aisida de trobar en quinsevolh lòc.