Se vòs practicar eth catalan, apropar-te ara cultura e compartir moments de léser damb estudiants coma tu, t’ajudam a auer un parelh lingüistic.
Ena UB auem ua Borsa d’escambi lingüistic entàs nòsti estudiants de mobilitat que vòlen practicar catalan e entàs estudiants locaus que vòlen practicar lengües estrangères. Tot un exemple de win-win! I a catalan, ucraïnian, alemand, italian, anglés, japonés o basc, entre d’autes lengües. A mès, entàs estudiants procedents d’airaus de parlar castelhan organizam grops dinamizadi de convèrsa en catalan. Toti i son benvengudi!
Mès informacion en sl.acollida@ub.edu.
Tota era comunitat dera UAB pòt participar enes activitats d’escambi lingüistic qu'aufrís era Universitat. A trauès deth programa Tàndem se pòt participar en activitats gropaus o auer un parelh lingüistic entà practicar lengües e hèr un escambi culturau en campus.
Eth programa d'escambi lingüistic (cobles lingüistics) deth Volontariat Lingüistic dera Universitat Pompeu Fabra a coma objectiu favorir er aprendissatge de lengües entre es estudiants catalans e potenciar er aprendissatge e era coneishença dera lengua catalana (e/o dera lengua castelhana) entre es estudiants internacionaus, en ua relacion bilaterau informau e de proximitat damb era quau se preten tanben refortir era integracion des estudiants internacionaus en Catalonha e era 'internacionalizacion en casa' des estudiants catalans.
Toti es qui volguen aufrir convèrsa ena pròpria lengua, o en bèra ua que tanben dominen, entà practicar-ne ua auta son benvengudi ena Borsa d’Escambi Lingüistic (BIL). Er Institut de Llengües meterà en contacte as persones interessades en formar tandèms o grops de convèrsa, e tanben les aufrirà er accès a activitats en diferentes lengües.
Er escambi lingüistic ei ua manèra informau de practicar o amelhorar era coneishença d’ua lengua. Ena UdG metem en contacte estudiants locaus damb estudiants de mobilitat, entà que pogatz conversar enes lengües que sabetz o estudiatz.
Inscriu-te enes Tandèms URV! Ei ua bona manèra de practicar lengües, conéisher gent e agranir es tues coneishences culturaus. Eth Servici Lingüistic te met en contacte damb ua auta persona segon era lengua que vòs escambiar e t’ajude a organizar eh prumèr rencontre.
Vòs practicar catalan e, ath madeish temps, ajudar a un aute estudiant dera UVic a apréner era tua lengua? Inscriu-te ena borsa digitau de cobles lingüistics. La trobaràs en Campus Virtuau «UHub > Aufèrtes e demandes». Sonque cau qu'escriues un messatge nau, selecciones “Cobles lingüistics” e expliques quines lengües parles e quini aspèctes t’agradarie amelhorar en catalan. A! E s'as bèra aficion, parla’n tanben. Se bèth estudiant catalan ei interessat ena tua aufèrta, se meterà en contacte damb tu.
Er escambi pòt èster presenciau, virtuau o combinar es dues modalitats. Non sonque te permeterà de practicar era lengua orau. Tanben ei ua bona oportunitat entà experimentar, víuer e escambiar aspèctes interculturaus.
S'as bèth dobte, escriu-mos tà sl@uvic.cat.
As talents de practicar eth catalan damb un parlant nadiu? Inscriu-te en p Inscriu-te en programa Tandèms lingüistics dera UIC Barcelona. Te meteram en contacte damb ua persona que te pòt ensenhar catalan e que, ath madeish temps, vò practicar era tua lengua. Auratz era libertat de hèr es amassades quan e a on vos vage melhor.
Te’n vas d’Erasmus e vòs començar a practicar era lengua deth país? O dilhèu vòs ajudar as estudiants internacionaus a practicar eth catalan o eth castelhan? Ena UAO CEU t’aufrim era oportunitat de trobar un parelh lingüistic entà practicar un idiòma qu'aprenes a trauès deth Tandèm UAO CEU.
S'ès universitari, corses o as corsat bèth estudi en quinsevolh des universitats catalanes, pòs participar enes diferentes actuacions d'escambi o volontariat lingüistic qu'organize cada universitat.
En cas de que non sigues universitari, pòs participar en programa Volontariat pera lengua qu'organize eth Secretariat de Politica Lingüistica, coma aprenent.
Er escambi lingüistic consistís en crear cobles d’escambi de convèrsa entre un estudiant de mobilitat qu’apren catalan e un estudiant catalanofòn que vò practicar ua auta lengua. Era majoritat des universitats catalanes dispausen de borses d’escambi lingüistic per mejan des quaus meten en contacte as estudiants en foncion de quines lengües vòlen escambiar. A partir d’ací, son es madeishi estudiants quali gerissen es sues amassades.
En cas de que non sigues universitari, pòs participar en programa Volontariat pera lengua qu'organize eth Secretariat de Politica Lingüistica, coma aprenent.
Se vòs èster en contacte damb eth catalan de dehòra de Catalonha estant, ac pòs hèr a trauès deth Hilat Universitari d’Estudis Catalans en Exterior o a trauès des Comunitats Catalanes der Exterior.
S'ès universitari, corses o as corsat bèth estudi en quinsevolh des universitats catalanes, pòs participar enes diferentes actuacions d'escambi o volontariat lingüistic qu'organize cada universitat.
En cas de que non sigues universitari, pòs participar en programa Volontariat pera lengua qu'organize era Direccion Generau de Politica Lingüistica, coma aprenent.