Material virtual elaborado pola Universidade Autónoma de Barcelona e a Universidade Politécnica de Cataluña, co apoio da Secretaría de Universidades e Investigación do Departamento de Empresa e Coñecemento.

O curso ofrece catro niveis de aprendizaxe (básico, elemental, intermedio e suficiencia) e cada nivel está organizado en tres graos. Cada grao ten unha duración aproximada duns tres meses, o que equivale a unhas 45 horas de dedicación. Pódese cursar en dúas modalidades, libre e con titoría (modalidade de pagamento).

Espazo creado pola Secretaría de Política Lingüística da Generalitat de Catalunya, o Instituto Ramon Llull e o Consorcio para a Normalización Lingüística.

SpeakCat é un curso de catalán, ambientado nun contexto universitario, que ofrece unha serie de exercicios e actividades. Consta de dez unidades. Facilita un dicionario, unha lista de abreviaturas, unha táboa gramatical e un asistente persoal.