Hizkuntza-harrera

Kataluniako unibertsitateek ongietorria egiten dizute etxean bezala senti zaitezen. Parte hartu haien harrera-programetan.

Bartzelonako Unibertsitate Autonomoaren

UAB

UAB ikasle heldu berrientzako jarduerak eskaintzen ditu, Kataluniako hizkuntza- eta kultura-errealitatea ezagutzeko eta hemengo ikasleekin harremanetan egoteko. Jarduerak ikasturte osoan zehar egiten dira eta, horietan, ikasleen arteko harremanak eta hizkuntza-trukea bultzatzen dira. Gainera, jarduera espezifikoak egiten dira egun berezietan; adibidez, Sant Jordin edo UABren jai nagusian.

Kataluniako Unibertsitate Politeknikoaren

UPC

Etxean bezalaxe sentitzeko zerbitzuak eta baliabideak ditugu zuretzat: Kataluniako bizimoduari buruzko informazio erabilgarria, testuinguru sozial eta kulturalari buruzko gidak, hizketan hasteko bildumak... Dena doan eta zure eskura klik bakar bat eginez!

Pompeu Fabra Unibertsitatearen

UPF

Hizkuntza-harrerako atari honetan, Pompeu Fabra Unibertsitateak ongietorria egiten dizu nazioarteko ikaslea zarelako edo aurki izango zarelako. Informazioa eta baliabideak ditugu zuretzat, katalanarekin berehala ohitzeko, eta Kataluniako kulturari eta gizarteari buruz jakin beharreko guztia jakiteko. Ongi etorri, bada, UPFra!  

Gironako Unibertsitatearen

UdG

Gironako Unibertsitatean klaseak batez ere katalanez ematen dira.Gure hizkuntza pixka bat ikasten laguntzeko, eskolak hasi baino egun batzuk lehenago, hasierako harrerara joan zaitezke, Kataluniako hizkuntzari eta kulturari buruzko prestakuntza-saioen konbinazio batera.

Lleidako Unibertsitatearen

UdL

UdL-k baliabideak jartzen ditu heldu berrien eskura, egonaldi atsegina izan dezaten eta hiria eta Kataluniako hizkuntza eta kultura ezagut ditzaten.Seihileko bakoitzaren hasieran, ongietorri-aste bat egiten da ikasleentzat, ingurunea ezagutzeko jarduerak eta hasierako katalan-ikastaro bat eginez. Ikasitako hori hainbat mailatako ikastaroen bidez zabaldu daiteke.

Azpimarratu behar da Hizkuntza Boluntariotzak zeregin garrantzitsua duela. Unibertsitate-komunitateko kideek iritsi berriei laguntzen diete, bai hizkuntzaren ikaskuntzan, bai Kataluniako lurraldea eta kultura ezagutzean.

Katalana hizkuntza-trukerako poltsaren (BIL) bidez praktikatzeko aukera ere badago, hainbat hizkuntzatako hiztunen arteko topaleku eta trukerako gune gisa pentsatu da eta.

Rovira i Virgili Unibertsitatearen

URV

URVn, katalana ikasi nahi duten mugikortasuneko ikasleei arreta pertsonalizatua eskaintzen diegu, haien beharretara gehien egokitzen den ikastaroa hauta dezaten orientatzeko.Lauhileko bakoitzaren hasieran, ongietorri-ekitaldiak ere antolatzen ditugu, eta kultura-tailerrak egoten dira.

Viceko Unibertsitatearen

UVic

UVicera iristen zarenean, zer egin dezakezu hizkuntza ikasteko eta unibertsitateko bizimodura azkar egokitzeko?

Nazioarteko truke-programa bateko ikaslea bazara, hartu parte Orientation days jardunaldietan; seihileko bakoitza hasi aurretik eskaintzen dira. Eta, ikasturtean zehar, eman izena kultura-jardueretan.

Kataluniakoa ez bazara baina UVicen matrikula egin baduzu ikasketa guztietarako, eman izena harrera-ikastaroan. Hamabost egunetan zehar, katalanaren oinarrizko nozioak ikasiko dituzu, lehenbiziko egunetan lagunduko dizute eta. 

Zalantzarik baduzu, idatzi helbide honetara: sl@uvic.cat.

Kataluniako Nazioarteko Unibertsitatearen

UIC

UIC Barcelonara iritsi bezain laster, seihileko bakoitzaren hasieran doan eskaintzen dugun katalaneko sarrera-ikastaroan parte hartu ahal izango duzu.Gainera, ikasturtean zehar, Kataluniako kulturara hurbiltzeko aukera izango duzu, gure etxeko jai-egutegiaren harira antolatzen ditugun jardueren bidez.

Abat Oliba CEU Unibertsitatearen

UAO

UAO CEUn, hizkuntza-harrerako baliabideak eta jarduerak aurkituko dituzu lehen egunean bertan, hizkuntza- eta kultura-errealitatea hobeto ulertzen laguntzeko.

Kataluniako edozein unibertsitateko ikaslea bazara, bertan ikasketaren bat egin baduzu edo egiten ari bazara, unibertsitate bakoitzak antolatzen dituen hizkuntza-truke edo -boluntariotzako jardueretan parte har dezakezu.

Unibertsitateko ikaslea ez bazara, Hizkuntza Politikarako Zuzendaritza Nagusiak antolatzen duen Hizkuntzaren aldeko boluntariotzan parte har dezakezu ikastun gisa.

Hizkuntza-trukea katalana ikasten ari den mugikortasun-programetako ikasle baten eta katalana hitz egiten duen eta beste hizkuntza bat praktikatu nahi duen ikasle baten arteko elkarrizketa-trukerako bikotekideak sortzean datza. Kataluniako unibertsitate gehienek hizkuntza-trukerako poltsak dituzte, trukatu nahi dituzten hizkuntzen arabera ikasleak harremanetan jartzeko. Hortik aurrera, ikasleek beraiek kudeatzen dituzte topaketak.

Kataluniako edozein unibertsitateko ikaslea bazara, bertan ikasketaren bat egin baduzu edo egiten ari bazara, unibertsitate bakoitzak antolatzen dituen hizkuntza-truke edo -boluntariotzako jardueretan parte har dezakezu.

Unibertsitateko ikaslea ez bazara, Hizkuntza Politikarako Zuzendaritza Nagusiak antolatzen duen Hizkuntzaren aldeko boluntariotzan parte har dezakezu ikast