Intercat - Viu era universitat en catalan

Qué ei intercat?

Intercat ei un conjunt de recorsi electronics en un entorn web —materiau didactic, documentacion sociolingüistica, informacion sus volontariat lingüistic...— entà introdusir-se ena lengua e cultura catalana, pensat mès que mès entà estudiants de programes de mobilitat que visiten es universitats de Catalonha.

Conté tres apartats diferenciats:

• Apreni catalan: estruments d'aprendissatge autonòm dera lengua catalana (Speakcat, guides de convèrsa universitària...).
• Me restaqui: informacion e accions restacades damb era acuelhuda lingüistica e culturau des estudiants estrangèrs (escambi lingüistic, 80 pistes, Ajuda'm...).
• Demori en Catalonha: documentacion referent ara coneishença dera identitat catalana e ar encastre universitari catalan (Eth catalan en Catalonha, Eth catalan ena universitat, Lingcat, Barcelona Jove...).

Aguesta plataforma multimèdia se comencèc er an 1999 coma ua iniciatiua des servicis lingüistics de naues universitats catalanes e deth Burèu de Politica Lingüistica, e siguec cofinançada pera Union Europèa, eth Departament d'Universitats, Recèrca e Societat dera Informacion e es universitats publiques catalanes. A compdar der an 2007 a estat eth Secretaria d'Universitats e Recèrca deth Departament d'Economia e Coneishement qui s'a hèt cargue dera actualizacion e era mantenença d'aguest portau.