Cicle de conferéncies sus diuèrsi aspèctes dera vida de Catalonha, damb es respectives nòtes explicatives entàs conferenciants. Cada còp que s'aufrís eth cicle s'escuelhen sies des dotze conferéncies disponibles, segons es interèssi deth public o des organizadors:
- Eth sistèma politic catalan
- Maria del Mar Bonet, quaranta ans de poesia e cançon
- Republicans catalans enes camps d'exterminacion nazis
- Es joeus en Catalonha
- Es auti catalans
- Eth delta der Ebre
- Monuments preistorics de Catalonha
- Era colònia Güell
- Era Val de Boí
- Era Garrocha, tèrra de volcans
- Eth Gran Teatre deth Licèu
- Servicis Lingüistics
Objectius
- Aufrir informacion sus endrets de Catalonha, hèts istorics e aspèctes dera vida sociau e culturau que poguen interessar as estudiants que vien de dehòra de Catalonha.
- Agranir era vision qu'es estudiants an de Barcelona e de Catalonha. Motivar-les entà que visiten cèrti endrets e qu'agranisquen era coneishença qu'an deth lòc a on estúdien.
- Encoratjar as participaires entà qu'empleguen toti es mejans possibles entà compréner era charrada: eth discors deth conferenciant, era paraula escrita, era illustracion, es coneishences prealables sus eth tèma o tanplan es suposicions. Sajar d'arténher ua comprenença globau.
- Hèr qu'es estudiants practiquen era comprenença en catalan d'un tipe de discors expositiu e narratiu semblable ath que se pòden trobar enes classes des sues facultats.
- Melhorar es possibilitats de compréner e parlar catalan des estudiants mercés ara melhor coneishença der entorn. Coma mès sàpien d'aquerò que hè part dera coneishença compartida des catalans, mès pòden auançar ener estudi dera lengua.
- Demostrar que, eliminades ues determinades barrères, i a ua cèrta intercomprenença entre es lengües romaniques.
