Lingcat ei ua web sus era lengua catalana qu'a coma objectiu resòlver es principaus dobtes sus era realitat sociolingüistica de Catalonha e des territòris de parla catalana; e sus coma aguesta realitat se rebat ena vida universitària.
Era consulta de Lingcat tanben pòt èster utila entà totes aqueres persones qu'abans dera sua arribada en Catalonha, o quan acaben d'arribar, se volguen informar de manèra rapida sus era situacion actuau deth catalan.
Sabies que?
- Era lengua catalana ei ua lengua romanica, ei a díder, aparten ath grop de lengües qu'an coma origina comuna eth latin.
- Es universitats de Catalonha an coma lengua pròpria eth catalan.
- Eth catalan ei era lengua d'usatge normau ena activitat d'ensenhament e administrativa des universitats catalanes.
- Es estudiants de programes d'escambi compartissen es aules damb es estudiants catalans.
- Es programes d'acuelhuda que i a en totes es universitats includissen sessions de benvenguda, er aprendissatge dera lengua catalana, era possibilitat d'auer ua parelha lingüistica damb qui practicar era lengua que s'apren, o era oportunitat de participar en gessudes.
- Es mieis de comunicacion de masses der airau de parla catalana utilizen abituauments era lengua catalana.
- Era majoria d'universitats an documents informatius sus era sua realitat sociolingüistica en Internet.
- Des 13,5 milions de persones que viuen en encastre lingüistic catalan, mès de 9 milions parlen aguesta lengua e 11 la comprenen.
- Apruprètz eth 60% des classes des universitats catalanes ei en catalan. Era lengua ena qué s'impartís cada matèria ei ua informacion publica qu'apareish enes guides docents.
- Era majoria de ciutadans de Catalonha son competents en dues des lengües oficiaus en Catalonha, eth catalan e eth castelhan (era tresau lengua oficiau ei era occitana, nomentada aranés en Aran).
