Es universitats catalanes autregen certificats de lengua catalana as aprenents des servicis lingüistics qu'acrediten auer es coneishences exigides entà cada nivèu (iniciau, basic, elementari, intermediari, de sufisença, de sufisença entà PDI, superior).
Era CIFOLC ei ua comission interuniversitària qu'acorròpe es servicis lingüistics des dotze universitats catalanes: Universitat Autonòma de Barcelona, Universitat de Barcelona, Universitat de Girona, Universitat de Lhèida, Universitat Dubèrta de Catalonha, Universitat Politecnica de Catalonha, Universitat Pompeu Fabra, Universitat Rovira i Virgili, Universitat de Vic, Universitat Ramon Llull, Universitat Internacionau de Catalonha e Universitat Abat Oliba CEU. Era foncion dera CIFOLC qu'ei coordinar aguesti servicis lingüistics per çò qu'ei des aspèctes qu'an relacion damb er ensenhament e er aprendissatge dera lengua catalana ena universitat.
Era CIFOLC tramite es certificats de coneishences de lengua catalana qu'expedissen es universitats de Catalonha e que son omologadi damb es certificadi de referéncia dera Direccion Generau de Politica Lingüística (DGPL) dera Generalitat de Catalonha. En tot seguir es ligams següents trobaràs informacion detalhada dera estructura de cadua des pròves, atau coma un modèl d'examen.
Entà mès informacion sus es certificadi de catalan consulta es webs dera CIFOLC e dera DGPL.
| Certificats CIFOLC | Cerfificats DGPL |
|---|---|
| Nivèu inicial | Sens homologació |
| Nivèu basic | Nivèu basic (A basic) |
| Nivèu elementari | Nivèu elementari (A elementari) |
| Nivèu intermediari | Nivèu intermediari (B basic) |
| Nivèu de sufisença | Nivèu de sufisença (C) |
| Nivèu de sufisença entà personau d'ensenhament e investigador | |
| Nivèu superior | Nivèu superior (D) |
