Intercat - Viu era universitat en catalan

È aprenut catalan

• Escambis lingüistics. Viu era experiéncia!

  

  Entà participar as escambis lingüistics dera tua universitat sonque as d'auer talents de charrar e de conéisher ua auta cultura.
  Roberto e Joaquim, Benedek e Petra, Estel e Petr, Sandra e Karolina mos parlen d'aguesta iniciatiua e de coma l'an viscuda. Lisa e Maitane mos expliquen qué ei eth volontariat lingüistic, e Joan era modalitat virtuau d'escambi.

• Agranís orizons ena Universitat Pompeu Fabra

  

  Sarah, Diane, Zouhair e Lorena decidiren vier entà Catalonha pr’amor d’agranir era sua formacion o experiéncia professionau ena Universitat Pompeu Fabra (UPF) de Barcelona. Atau ac heren tanben Cristina e Hallie que, ath delà, voleren participar en programa d’escambi lingüistic amassa damb Teresa e Marta. En aguest vidèo mos detalhen era sua experiéncia en Catalonha e ena UPF.

• Apunta-te as tandèms dera Universitat de Girona

  

  Hana, Carme, Dorota e Hana son estudiantes de mobilitat. Decidiren vier entà Catalonha e estudiar ena Universitat de Girona (UdG). Kira ei d’Andòrra e Anna ei catalana. Totes dues participen enes nomentadi «tandèms», es programes d’escambi lingüistic dera UdG. Eth vidèo seguent ei un brèu resumit de tot aquerò que mos expliquèren quan mos arreceberen ena sua universitat.

• Viu era universitat ena Autònoma de Barcelona

  

  Ena Universitat Autònoma de Barcelona (UAB) mos trobèrem damb Hamza, Jessica, Ane, Luz María, Ida, Ricardo e Pedro. Toti eri arribèren en Catalonha dempús de diuèrsi endrets deth mon entà desvolopar ena UAB era sua activitat academica e professionau. En aguest vidèo mos expliquen es detalhs dera sua experiéncia.

• Vòs apréner catalan? Era Universitat de Lleida t'ac met facil

  

  Maria Assunta e Johannes son dus estudiants de mobilitat dera Universitat de Lleida (UdL) qu’apreneren catalan pendent eth sòn sejorn ena universitat. En aguest vidèo mos expliquen se qué les portèc a apréner catalan e coma ac artenheren.

• Anna Maria

  26 ans
  Romanesa (Comunicacion e Relacions Publiques)
  Anna Maria a hèt tandèm damb Irma "È coneishut fòrça gent en aguest programa, è practicat dues lengües que non son es mies. Sò reauments satisfèta d'auer participat enes tandèms dera UdG."

• Margarita

  36 ans
  Castelhan (Estudiant de catalan)
  Margarita a hèt tandèm damb M. Elena "M'a agradat fòrça aguesta experiéncia e m'agradarie repetir-la pendent eth dusau semestre."

• Antonio

  22 ans
  Italian (Lengua e Societat deth Mediterrani)
  Antonio a hèt tandèm damb Neus. "Aguesta activitat a estat fòrça importanta pr'amor qu'è coneishut melhor era cultura e era lengua catalana. Ath delà è passat fòrça boni moments damb eth mèn tandèm e sò content pr'amor que la è pogut ajudar a parlar melhor er italian."

• Margori Amaro

  Veneçuèla
  "M'agrade fòrça apréner catalan entà poder integrar-me ena societat de Catalonha, e ath delà me facilite poder parlar damb es mèns vesins e amics. Hèsqui un mastèr en Telecomunicacions e m'agradarie fòrça deféner eth projècte finau eth catalan, non sonque pr'amor qu'ei un rèpte entà jo, mès pr'amor que m'agrade fòrça aguest idiòma e restacar-me damb es catalans ena sua lengua."

• Maria Raquel Lopes Ramos

  Portugal
  "Perqué Catalonha da era benvenguda as persones der estrangèr. Ei ua manèra de dar-li es gràcies. Tanben pr'amor qu'ei ua lengua foneticaments fòrça divertida."

• Kate Cusack

  Anglatèrra
  "Me matriculè en cors de catalan pr'amor que volie apréner era lengua de Catalonha. D'ua auta banda, açò me permeterà hèr un cors de catalan quan tornarè tà Anglatèrra, en mèn darrèr an de carrèra, e volie saber-ne un shinhau abans de començar-lo."

• Gisele Vega Salas

  Peró
  "Pr'amor que voi conéisher era cultura catalana, era sua gent, eth dia a dia. Barcelona ei ua ciutat fòrça interessanta pr'amor qu'a era sua pròpria lengua, qu'identifique era gent d'aguest país. M'interèsse conéisher mès lengües."

• Piotr Golec

  Polonha
  "Compreni perfèctaments que sò en un lòc a on era gent parle catalan e non sonque castelhan. E me hè illusion estonar era gent peth hèt que maugrat èster estrangèr parli era sua lengua e voi conéisher era sua cultura."

• Ana Luisa Rivera

  Brasil
  "Me matriculè en cors de catalan pr'amor que creigui qu'ei important conéisher era lengua e era cultura deth lòc a on un demore. Sonque atau non mos i sentem toristes."

• Elvira

  Saragossa
  "Entà daurir era mia audida e eth mèn sentiment, ath delà des paraules. Entà compréner qué ei e qué non ei un país o ua lengua o ua termièra. E sustot, entà gaudir."