Intercat. Vive a universidade en catalán!

Aprendín catalán

• Intercambios lingüísticos. Vive a experiencia!

  

  Para participar nos intercambios lingüísticos da túa universidade só cómpre ter gañas de conversar e de coñecer outra cultura.
  Roberto e Joaquim, Benedek e Petra, Estel e Petr, e Sandra e Karolina fálannos desta iniciativa e de como a viviron. Lisa e Maitane cóntannos que é o voluntariado lingüístico, e Joan explícanos a modalidade virtual de intercambio.

• Amplía horizontes na Universidade Pompeu Fabra

  

  Sarah, Diane, Zouhair e Lorena decidiron vir a Cataluña para ampliar a súa formación ou experiencia profesional na Universidade Pompeu Fabra (UPF) de Barcelona. Así o fixeron tamén Cristina e Hallie, quen, ademais, quixeron participar no programa de intercambio lingüístico xunto con Teresa e Marta. Neste vídeo detállannos a súa experiencia en Cataluña e na UPF.

• Apúntate aos tándems da Universidade de Girona

  

  Hana, Carmen, Dorota e Hana son estudantes de mobilidade. Decidiron vir a Cataluña e estudar na Universidade de Girona (UdG). Kira é de Andorra e Anna é catalá. Ambas as dúas participan nos denominados tándems, os programas de intercambio lingüístico da UdG. O seguinte vídeo é un breve resume de todo o que nos explicaron cando nos recibiron na súa universidade.

• Vive a universidade na Autónoma de Barcelona

  

  Na Universidade Autónoma de Barcelona (UAB) encontrámonos con Hamza, Jessica, Ane, Luz María, Ida, Ricardo e Pedro. Todos chegaron a Cataluña desde diferentes partes do mundo para desempeñar na UAB a súa actividade académica e profesional. Neste vídeo explícannos os detalles da súa experiencia.

• Queres aprender catalán? A Universidade de Lleida poncho doado

  

  Maria Assunta e Johannes son dous estudantes de mobilidade da Universidade de Lleida (UdL) que aprenderon catalán durante a súa estadía na universidade. Neste vídeo explícannos que os levou a aprender catalán e como o conseguiron.

• Anna Maria

  26 anos anos
  Romena (Comunicación e Relacións Públicas)
  Anna Maria fixo tándem con Irma. «Coñecín moita xente neste programa e practiquei dúas linguas que non son as miñas. Estou realmente satisfeita de participar nos tándems da UdG.»

• Margarita

  36 anos anos
  Falante de castelán (estudante de catalán)
  Margarita fixo tándem con M. Elena. «Gustoume moito esta experiencia e gustaríame repetila durante o segundo semestre.»

• Antonio

  22 anos anos
  Italiano (Lingua e Sociedade do Mediterráneo)
  Antonio fixo tándem con Neus. «Esta actividade foi moi importante porque coñecín mellor a cultura e a lingua catalás. Ademais, pasei moi bos momentos co meu tándem e estou contento, xa que lle puiden axudar a falar mellor o italiano.»

• Margori Amaro

  Venezuela
  «Gústame moitísimo aprender catalán para integrarme na sociedade de Cataluña e, ademais, facilítame poder falar cos meus veciños e amigos. Fago un máster en Telecomunicación e gustaríame moito defender o meu proxecto final en catalán, non só porque é un reto para min, senón porque me gusta moito este idioma e relacionarme cos cataláns na súa lingua.»

• Maria Raquel Lopes Ramos

  Portugal
  «Porque Cataluña dá a benvida ás persoas do estranxeiro. É unha forma de agradecerllo. E, ademais, porque é unha lingua foneticamente moi divertida.»

• Kate Cusack

  Reino Unido
  «Matriculeime no curso de catalán porque quería aprender a lingua de Cataluña. Por outra banda, isto permitirame facer un curso de catalán cando volva a Inglaterra, no meu último ano de carreira, e quería coñecer un pouco a lingua antes de empezalo.»

• Gisele Vega Salas

  Perú
  «Porque quero coñecer a cultura catalá, a súa xente, o día a día. Barcelona é unha cidade moi interesante porque ten a súa propia lingua, que identifica á xente deste país. Interésame coñecer máis linguas.»

• Piotr Golec

  Polonia
  «Entendo perfectamente que estou nun lugar onde a xente fala catalán e non só castelán. E faime ilusión sorprender á xente polo feito de que, aínda que sexa estranxeiro, falo a súa lingua e quero coñecer a súa cultura.»

• Ana Luisa Rivera

  Brasil
  «Matriculeime no curso de catalán porque creo que é importante coñecer a lingua e a cultura do lugar onde un está. Só así non nos sentiremos turistas.»

• Elvira

  Zaragoza
  «Para abrir o meu ouvido e o meu sentimento, máis aló das palabras. Para entender que é e que non é un país ou unha fronteira. E, sobre todo, para gozar.»