Kataluniatik kanpo katalanarekin kontaktuan jarraitu nahi baduzu, mundu osoan aurki daitezkeen katalaneko irakurletzen edo casal (ikastegi) kataluniarren bitartez egin dezakezu.
Katalaneko irakurletzak
Ramon Llull Institutuak hizkuntza, literatura eta kultura kataluniarraren irakaskuntza sustatzen du unibertsitateetan nahiz hizkuntza-esparruaz kanpoko goi-ikasketetarako zentroetan, bereziki, irakurletza-sarea sustatuz eta lagunduz, eta hizkuntza eta kultura kataluniarreko katedrak nahiz bestelako ikaskuntza iraunkorrak sortuz. Laguntzak ematen dizkie hizkuntza-esparruaz kanpoko elkarte edo erakundeei, katalan-ikastaroak antola ditzaten; gainera, beka-deialdia gauzatzen du hizkuntza-esparruaz kanpoko katalan-ikasleentzat.
Gaur egun, 93 irakurletza daude, mundu osoko 4.006 ikasle barne hartzen dituztenak.
Kontsultatu atzerriko unibertsitateetako katalaneko irakurletzen mapa.
Casal kataluniarrak
Gaur egun ehun casal kataluniarretik gora dago, berrogei herrialde ingurutan. Erakunde horien helburua, besteak beste, gizarte zibilean Katalunia sustatzea eta Kataluniatik kanpo bizi diren pertsona katalanei laguntzea da. Hainbat casal eta ikastegi kataluniarrek katalaneko ikastaroak eskaintzen dituzte, orobat katalanari buruzko eta ikaskuntza-materialei buruzko informazioa eskuratzeko aukera.
Kontsultatu mundu guztiko casal katalanen helbideak.
